Қазақтелеком жаңалықтары

Осы жылдың қазан айында Қазақтелеком оптикалық желілер арқылы қызмет сапасын арттыруға бағытталған ауқымды «SAPA+» жобасын іске қосты. Жоба аясында телекоммуникация операторы жаңа буынның заманауи роутерлерін Wi-Fi арқылы жылдамдықты арттыру үшін тегін орнатып жатыр.

Energo University SAPA+ бастамасына белсенді түрде қатысуда. Жоба аясында жоғарғы курс студенттері телекоммуникациялық жабдықтарды орнату мен баптау бойынша тәжірибелік бағдарламаға қатысу мүмкіндігін алды. Бағдарлама техникалық мамандықтардың 3-4 курс студенттеріне арналған және қатысушыларға телеком саласындағы нақты кейстермен жұмыс істеу тәжірибесін ұсынады.

Бүгін Астанада Қазақтелеком компаниясының ұйымдастыруымен отандық тауарлардың мемлекеттік сатып алудағы үлесін арттыру және оффтейк-келісімшарттар жүйесін енгізу мәселелері бойынша арнайы дөңгелек үстел өтті. Телеком-оператор сатып алу процесінде танымалдылығы артып келе жатқан оффтейк-келісімшарттарды белсенді түрде енгізіп жатыр. Соңғы 2 жылда компания әртүрлі отандық компаниялармен және кәсіпорындармен оффтейк қағидасы бойынша бірқатар ірі келісімшарттарға қол қойды. Тек өткен жылы ғана жалпы сомасы 1,3 млрд теңге болатын 11 оффтейк-келісім жасалды.